Kam lindur në SHBA, por jam 100 për qind shqiptare

0

Këngëtarja amerikane me prindër nga Shqipëria, Ava Max, emri i vërtetë i së cilës është Amanda Koçi, e cila vazhdon të jetë prej disa javësh në vendin e parë në Britaninë e Madhe, Gjermani dhe në të gjithë Evropën dhe po ngjitet me shpejtësi në top- listën amerikane me hitin e saj “Sweet But Psycho”, në një intervistë për mediat londineze tregon udhëtimin e saj drejt suksesit.
“Nuk ka qenë aspak e lehtë. Prindërit e mi u larguan nga Shqipëria në fillim të viteve ’90 dhe përfunduan duke jetuar në një kishë në Paris. Më pas u zhvendosën në Shtetet e Bashkuara, ku dhe u linda unë. Prindërit e mi shitën shtëpinë në Wisconsin për t’u zhvendosur në Los Anxhelos, por edhe atje zhgënjimi ishte shumë i madh. Pas shumë përpjekjesh vendosa lidhjet me producentin Circuit, i cili ka realizuar hitet e Rihanës apo The Weekend etj., i cili vendosi të kujdeset për karrierën time muzikore”, shprehet Ava Max për mediat ndërkombëtare.
Më tej gjatë këtij rrëfimi, 24-vjeçarja deklaron se edhe pse ka lindur në Shtetet e Bashkuara, ajo është krenare për origjinën e saj.
“Jam 100 për qind shqiptare. Dëshiroj të ndihmoj familjen time, miqtë e mi dhe njerëzit në përgjithësi dhe dua të kontribuoj për komunitetin shqiptar kudo që të jem. Do të ishte e jashtëzakonshme që të mbaj një koncert bamirësie atje. Është me shumë rëndësi për mua që të kontribuoj për komunitetin shqiptar”, shprehet këngëtarja shqiptare me famë botërore.

Share.

Leave A Reply