Panucci ka arritur marrëveshje me Kombëtaren e Shqipërisë

0

Në karrierën si futbollist, Panucci numëron një sërë klubesh me emër si Milan, Real Madrid, Inter dhe Roma, ndërsa si trajner, ka vetëm një përvojë si ndihmës i Fabio Capellos, në Botërorin e vitit 2014, me kombëtaren e Rusisë

Merr fund telenovela e gjetjes së një pasuesi për Gianni De Biasin, në krye të Kombëtares shqiptare të futbollit dhe Christian Panucci është përzgjedhur për të drejtuar kuqezinjtë.
Lajmi bëhet i ditur nga mediat italiane, sipas të cilave, në orët e vona të së hënës, është arritur marrëveshja mes Panuccit dhe Federatës Shqiptare të Futbollit.
Ai është përzgjedhur mes një morie emrash si Clarence Seedorf, Walter Zenga, Paolo Di Canio, që u kontaktuan nga FSHF, për të marrë drejtimin e kombëtares.
Në karrierën si futbollist, Panucci numëron një sërë klubesh me emër si Milan, Real Madrid, Inter dhe Roma, ndërsa si trajner, ka vetëm një përvojë si ndihmës i Fabio Capellos, në Botërorin e vitit 2014, me kombëtaren e Rusisë.
Kjo do të jetë përvoja e parë e Panuccit si trajner i parë dhe do t’i duhet të zëvendësojë një emër si Gianni De Biasi, i cili la gjurmë në futbollin shqiptar.

Share.

Leave A Reply