Google fotografon Shqipërinë

0

“Street View” është programi i hartëzimit i gjigantit amerikan të teknologjisë “Google”, që u mundëson përdoruesve të tij të shohin më në brendësi rrugët, objektet, zonat turistike apo qytete të tëra në pjesën më të madhe të globit.

Deri më tani Shqipëria ishte lënë jashtë këtij programi, por jo më. Makinat e “Street View” do të nisin fotografimin nga 29 prilli e zonave turistike dhe rrugët e qyteteve kryesore shqiptare.

Ministrja e Integrimit Milena Harito deklaroi sot gjatë prezantimit të projektit ‘Google Street Vieë’ se për 8 javë Google do të jetë në qytetet kryesore për të fotografuar rrugët e Shqipërisë.

“Ne kemi disa vite që bëjmë përpjekje përmes bashkëpunimeve të ndryshme me Google që ta bëjnë këtë proces edhe në vendin tonë. Makinat e Street View nisin punën më 29 prill dhe do të punojnë për 8 javë në qytetet kryesore të Shqipërisë, bregdetare dhe destinacionet turistike”, tha ajo.

Ministrja Harito tha se nisma do të ndihmojë në përmirësimin e imazhit të vendit tonë në sytë e turistëve të huaj.

“Do t’u japë besim turistëve të vijnë në Shqipëri dhe të shikojnë me sytë e tyre bukuritë tona natyrore dhe kulturore”, tha ajo.

Burimi/Top Channel

Share.

Leave A Reply